فلسطینی مرکزی حکومت کے وزیر اعظم اپنے عہدے سے مستعفی

مقبوضہ بیت المقدس:29؍جنوری2019(فکروخبر/ذرائع)الفتح تنظیم کی مرکزی کمیٹی کی جانب سے نئی حکومت کے قیام کے حوالے سے سفارشاتی فیصلہ کرنے کے بعد فلسطینی وزیراعظم رامی الا حماد اللہ اپنا استعفیٰ صدر محمود عباس کو پیش کر دیا ہے۔

حکومتِ فلسطین کے  ہفتہ وار اجلاس کے بعد ایک تحریری ایران میں واضح کیا گیا ہے کہ وزیراعظم حماد اللہ  نے اپنا استعفیٰ پیش کردیا ہے تاہم وہ نئی حکومت کے قیام تک موجودہ انتظامیہ میں اپنے فرائض کو ادا کرتے رہیں گے۔

مقبوضہ دریائے اردن کے مغربی علاقے کے شہر راملہ میں صدر محمود عباس کی صدارت میں سرانجام پانے والے مرکزی کمیٹی کے اجلاس کے بعد جاری کردہ بیان میں واضح کیا گیا ہے کہ نئی حکومت کے قیام اور بیک وقت فلسطین تنظیم نجات کے ماتحت گروہوں کے ساتھ اس موضوع کے حوالے سے صلاح مشورہ کرنے کی خاطر ایک نئی کمیٹی کی تشکیل کا فیصلہ کیا گیا ہے۔

خیال رہے کہ فلسطین تنظیم نجات کو یورپی یونین اور اقوام متحدہ فلسطینی شہریوں کے واحد سرکاری نمائندے کے طور پر تسلیم کرتی ہے۔ اس تنظیم کے اندر الفتح اور فلسطینی عوامی نجات محاذ سمیت فلسطین نجات محاذ، عرب محاذ اور فلسطینی عوامی پارٹی کی طرح کے گروپ شامل ہیں۔