تین روز سے لاپتہ ہونے والے پینتالیس سالہ شخص کی لاش بازیافت کرلی گئی 

منگلورو 14؍ جنوری 2019(فکروخبر نیوز) تین دن قبل لاپتہ ہونے پینتالیس سالہ شخص کی لاش الال کے کوٹیپورا ساحل سمندر سے بازیافت ہوئی ہے۔ مہلوک کی شناخت دنیش (45) مقیم الال کی حیثیت سے کرلی گئی ہے۔ اطلاعات کے مطابق دنیش کو آخری مرتبہ 11جنوری کو دیکھا گیا تھا جس کے بعد سے وہ لاپتہ تھا۔جمعہ کے روز اس کی گمشدگی کی رپورٹ کوناجے پولیس تھانہ میں درج کرلی گئی۔ مذکورہ شخص انفوسیس میں کام کیا کرتا تھا۔ جس روز وہ لاپتہ ہوگیا تھا اس دن وہ کام کے بعد گھر نہیں لوٹا تھا۔ ذرائع کے مطابق وہ کئی سالوں سے بیمار رہنے لگا تھا ، بتایا جارہا ہے کہ اس کی لاش مچھلی کے مل کے قریب سے بازیافت ہوئی ہے اور اس کے گھر والوں نے اس کے جوتے دیکھ کر اس کی شناخت کی ہے۔