ملائیشیائی حکومت کا فن لینڈ کے 4 باشندوں کو ملک بدر کرنے کا فیصلہ

فن لینڈ کے باشندے جن میں دو خواتین بھی شامل ہیں، ملائیشیاء میں مسیحیت کی تبلغ کے الزام میں گرفتار کیے گئے تھے 

کوالالمپور:27؍نومبر2018(فکروخبر/ذرائع)ملائیشیائی حکومت نے فن لینڈ کے ان چار باشندوں کو ملک بدر کرنے کا فیصلہ کیا ہے، جنہیں مسیحیت کی تبلیغ کے الزام میں گرفتار کیا گیا تھا۔ ان چاروں مقید فِنش باشندوں میں دو مرد اور دو عورتیں ہیں۔ ان کی عمریں ستائیس سے ساٹھ برس کے درمیان بتائی گئی ہیں۔ ان افراد کو رواں مہینے کی بیس تاریخ کو لنگکاوی جزیرے پر مسیحی مذہب کے پمفلٹ بانٹنے کے الزام میں گرفتار کیا گیا تھا۔ مقامی پولیس نے ان چاروں باشندوں کو ملک بدری کے لیے امیگریشن حکام کی تحویل میں دے دیا ہے۔ ملائیشیا کے اٹارنی جنرل نے ان افراد کے فعل کے خلاف ناپسندیدگی کا خط میں فِنش حکومت کو ارسال کیا ہے۔