شمالی وجنوبی کوریائی قانون سازوں کا متنازعہ جزیرے کا دورہ، جاپان کا احتجاج

ٹوکیو حکومت جنوبی کوریائی قانون سازوں کے اس دورے پر شدید احتاج کرتی ہے،جاپانی وزارت خارجہ 

ٹوکیو /پیانگ یانگ:26؍نومبر2018(فکروخبر/ذرائع)جنوبی کوریا کے متعدد قانون سازوں نے پیر کو جاپان اور جنوبی کوریا کے درمیان واقع ایک متنازعہ جزیرے کا دورہ کیا۔ اس پر جاپان نے اپنی ناراضی کا اظہار کرتے ہوئے احتجاج کیا ہے۔ غیرملکی خبررساں ادارے کے مطابق جاپانی وزارت خارجہ کی جانب سے جاری کردہ ایک بیان میں کہا گیا کہ ٹوکیو حکومت جنوبی کوریائی قانون سازوں کے اس دورے پر شدید احتجاج کرتی ہے۔ واضح رہے کہ جنوبی کوریا کے آٹھ قانون سازوں نے سیول کے زیرانتظام ڈوکڈو جزیرے کا دورہ کیا تھا۔ یہ جزیرہ دونوں ملکوں کے درمیان واقع ہے اور جاپان اس جزیرے پر اپنی ملکیت کا دعویٰ کرتا ہے۔