سری لنکا کی پارلیمنٹ کا نئے وزیراعظم پر عدم اعتماد

سری لنکا کے صدر میتھری پالا سری سینا نے سابق صدر راجا پاکشے کو گزشتہ ماہ وزیر اعظم مقرر کر دیا تھا

کولمبو:14؍نومبر2018(فکروخبر/ذرائع)سری لنکا کی سپریم کورٹ کے حکم پر بحال ہونے والی پارلیمنٹ نے نئے وزیراعظم مہندا راجا پاکشے کے خلاف بدھ کے روز تحریک عدم اعتماد منظور کر لی ہے۔ سری لنکا کے صدر میتھری پالا سری سینا نے سابق صدر راجا پاکشے کو گزشتہ ماہ وزیر اعظم مقرر کر دیا تھا۔ پارلیمان میں منظور ہونے والی اس تحریک کے بعد راجا پاکشے کو اپنے منصب سے یقینی طور پر مستعفی ہونا پڑے گا۔ رواں برس ستائیس اکتوبر کے بعد پہلی مرتبہ پارلیمنٹ کا اجلاس طلب کیا گیا۔ اس وقت صدر میتھری پالا سری سینا نے پارلیمنٹ کو معطل کر دیا تھا۔ سپریم کورٹ نے منگل تیرہ نومبر کو دائر اپیل پر مختصر حکم سناتے ہوئے پارلیمنٹ کو اگلے ماہ تک اپنی کارروائی جاری رکھنیر کی ہدایت کی تھی۔