کیلیفورنیا کی جنگلاتی آگ: ہلاکتوں کی تعداد 48 تک پہنچ گئی

ڈیڑھ سو سے زائد امدادی کارکنوں کی ٹیمیں ان علاقوں میں متاثرین کی تلاش جاری رکھے ہوئے ہیں

واشنگٹن:14؍نومبر2018(فکروخبر/ذرائع)امریکی ریاست کیلیفورنیا کی تاریخ کی سب سے خوفناک جنگلاتی آگ کی لپیٹ میں آ کر ہونے والی ہلاکتوں کی تعداد اڑتالیس تک پہنچ گئی ہے۔ ڈیڑھ سو سے زائد امدادی کارکنوں کی ٹیمیں ان علاقوں میں متاثرین کی تلاش جاری رکھے ہوئے ہیں جہاں اب آگ بجھ چکی ہے۔ جلی ہوئی نعشوں کا ڈی این اے ٹیسٹ شروع کر دیا گیا ہے۔ اس آگ نے پیراڈائز نامی کانٹی میں تقریبا آٹھ ہزار مکانات کو جلا کر راکھ کر دیا۔ جنگلاتی آگ سے بے گھر ہونے والوں کی تعداد ایک لاکھ کے قریب ہے۔ اس وقت تین ہزار کے قریب فائر فائٹرز اس جنگلاتی آگ پر قابو پانے کی کوشش میں ہیں۔