بحیرہ روم میں دو حادثوں میں ایک سو سے زائد مہاجرین کے ہلاک ہونے کا خدشہ

روم:11؍ستمبر2018(فکروخبر/ذرائع)بحیرہ روم میں دو مختلف کشتیوں کی غرقابی میں ایک سو سے زائد مہاجرین کے ہلاک ہونے کا خدشہ ہے۔غیرملکی خبررساں ادارے کے مطابق امدادی تنظیم ڈاکٹرز وڈ آؤٹ بارڈرزنے کہاکہ ممکنہ طور پر یہ حادثات ستمبر کے اوائل میں پیش آئے تھے۔ اس بیان میں مزید کہا گیا کہ اس بارے میں ان افراد کے ذریعے پتا چلا ہے، جنہیں بچا کر واپس لایا گیا ہے۔ دو سمتبر کو لیبیا کے محافظوں نے 276 افراد کو ڈوبنے سے بچایا تھا۔ بتایا گیا ہے کہ کشتیوں میں سوار بہت کم ہی افراد کے پاس حفاظتی جیکٹیں تھیں۔