اوزل سے متعلق معاملے میں غلطیاں ہوئیں، رائن ہارڈ گرِنڈل

برلن:19؍اگست2018(ٖفکروخبر/ذرائع)جرمن فٹ بال فیڈریشن DFB کے سربراہ رائن ہارڈ گرِنڈل نے کہا ہے کہ جرمنی کی قومی فٹ بال ٹیم کے سابق کھلاڑی میسوت اوزل کے معاملے میں کچھ غلطیاں سرزد ہوئی ہیں۔ تاہم انہوں نے اوزل کی طرف سے لگائے گئے نسل پرستی کے الزامات کو ایک مرتبہ پھر مسترد کر دیا۔ اتوار کے روز جرمن اخبار ’بِلڈ ام زونٹاگ‘ سے بات چیت میں انہوں نے اعتراف کیا کہ زبانی سطح پر نسل پرستانہ حملوں کے تناظر میں انہیں میسوت اوزل کو زیادہ تحفظ دینا چاہیے تھا۔ ترک نژاد جرمن شہری اور سٹار فٹ بالر میسوت اوزل نے گزشتہ ماہ جرمنی کی قومی فٹ بال ٹیم سے علیحدگی کا اعلان کر دیا تھا۔