خانہ کعبہ کے گرد فی گھنٹہ طواف کرنے اور نماز ادا کرنے والوں کے اعداد وشمار جاری

share with us

مکہ مکرمہ :19؍اگست2018(ٖفکروخبر/ذرائع)سعودی عرب کی طرف سے جاری ایک رپورٹ میں خانہ کعبہ کے گرد فی گھنٹہ طواف کرنے اور نماز ادا کرنے والوں کے اعدادو شمار جاری کیے گئے ہیں۔سرکاری ادراہ شماریات کی طرف سے جاری رپورٹ میں بتایا گیا ہے کہ حرم مکی میں نمازیوں کی تعداد اور خانہ کعبہ کے گرد طواف کرنے والے معتمرین کی تعداد میں کمی بیشی ہوتی رہتی ہے۔ سال 1439ھ کے حج کے لیے لاکھوں فرزندان توحید حرم مکی میں پہنچ چکے ہیں۔ ایک اندازے کے مطابق ان دنوں مسجد حرام میں فی گھنٹہ 2 لاکھ 78 ہزار افراد نماز ادا کرتے ہیں جب کہ ایک لاکھ 70 ہزار عازمین حج ایک گھنٹے میں خانہ کعبہ کے طواف کی سعادت حاصل کرتے ہیں۔رپورٹ میں بتایا گیا ہے کہ مسجد حرام اور مسجد نبوی کی نگران جنرل پریزیڈنسی کے 10 ہزار ملازمین عازمن حج کی خدمت بجا لانے پر مامور ہیں جو 54 ہزار 501 آلات اور مشینوں کی مدد سے عازمین کی معاونت کرتے ہیں۔ انہیں زمزم پیش کرتے ہیں۔ حرکم مکی میں 2000 ٹن زمزم اور مسجد نبوی میں روزانہ 300 ٹن آب زم زم صرف کیا جاتا ہے۔مسجد نبوی اور مسجد حرام میں آب زم زم صرف کرنے کے لیے 25000 تھرمس مہیا کیے گئے ہیں جو چوبیس گھنٹے مصروف رہتے ہیں۔ عازمین حج کے سامان کی منتقلی کے لیے 13 ہزار 560 ٹرالیا جن میں 700 برقی ٹرالیاں شامل ہیں مہیا کی گئی ہیں۔اسی طرح مسجد حرام میں 20 موذن باری باری نمازوں کی اذان دیتے جب کہ 10 آئمہ کرام 123 طواف گائیڈ سرگرم ہیں۔ مسجد حرام میں انگریزی، فرانسیسی ،اردو، ملاوی اور کئی دوسری زبانوں میں قرآن پاک کے ترامیم اور تفاسیر بھی موجود ہیں جن سے عازمین حج استفادہ کرسکتے ہیں۔
 

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا