ملکی مفاد میں میکسیکو کے صدر نے اپنی تنخواہ آدھی کر دی

16؍جولائی2018(فکروخبر/ذرائع)میکسیکوکے نو منتخب صدر  آندریاس مانویل لوپیز  نے اپنی ماہانہ تنخواہ میں  50 فیصد کمی کا اعلان کر دیا ۔ صدر لوپیز    اب   1 لاکھ 8 ہزار پیسو یعنی تقریباً 5 ہزار 707 امریکی ڈالرز  تنخواہ لیں گے۔صدر لوپیز نے  اقتدار میں آتے ہی اعلان کیا تھا کہ  وہ  اعلی سرکاری شخصیات کو  دی جانے والی خصوصی مراعات میں بھی  کمی لائیں  گے  تاکہ  بجٹ خسارے پر قابو پایا جا سکے ۔ سابق صدر کے بارے میں مشہور تھا   کہ انہیں ماہانہ  2 لاکھ 70 ہزار پیسو تنخواہ ملتی تھی ۔