حوثیوں نے الحدیدہ کی بندرگاہ پر روکے گئے جہاز کو چھوڑ دیا ، عرب اتحادکی تصدیق

صنعاء :08؍جولائی2018(فکروخبر/ذرائع)یمن میں قانونی حکومت کی حمایت میں برسرپیکار عرب اتحاد نے کہا ہے کہ حوثی ملیشیا نے الحدیدہ کی بندر گاہ پر ایک جہاز ’’جی میوس‘‘ کو 62 روز تک روکے رکھنے کے بعد چھوڑ دیا ہے۔میڈیارپورٹس کے مطابق ایک بیان میں اتحاد نے کہا کہ الحدیدہ کی بندرگاہ پر چار اور جہاز بھی لنگر انداز ہو چکے ہیں اور ان پر لدا ہوا سامان اتارا جارہا ہے جبکہ بندرگاہ پر چار اور جہاز داخلے کے منتظر ہیں۔ادھر الصلیف کی بندرگاہ پر بھی دو بحری جہاز داخلے کے منتظر ہیں ۔ان میں ایک لنگرانداز ہونے کے انتظار میں ہے۔