ویزا کی مدت ختم ہونے کے باوجود قیام پر معتمریں کو ادا کرنا ہوگا بھاری جرمانہ

ریاض:31؍مئی2018(فکروخبر/ذرائع) سعودی عرب نے ویزا کی مدت ختم ہونے کے باوجود قیام کرنے والے معتمرین پر بھاری جرمانے عائد کرنے کا اعلان کیا ہے۔سعودی حکام کا کہنا ہے کہ ایسے عمرہ زائرین جن کا ویزے کی مدت ختم ہوچکی ہو اور وہ پھر بھی قیام کر رہے ہوں تو ایسے پکڑے جانے والے معتمرین پر 50 ہزار ریال جرمانہ ہوگا۔سعودی حکام کے مطابق ویزا کی مدت ختم ہونے کے باوجود ملک میں قیام کرنا غیرقانونی ہے اور ایسے معتمرین کو 6 ماہ قید بھی بھگتنا ہوگی۔حکام کا کہنا ہے کہ عمرے کے ویزے پر آنے والے مکہ، مدینہ اور جدہ سے علاوہ کسی دوسرے شہر نہیں جاسکتے۔