رمضان میں پانچوں نمازوں کے لیے معتمرین کو حرم شریف لانے کا ٹرانسپورٹ منصوبہ

دوہزار بسیں چلائی جائیں گی، 25لاکھ گاڑیوں کی پارکنگ کا انتظام ہوگا،گورنر مکہ کی زیرصدارت اجلاس 

مکہ مکرمہ:09؍مئی 2018(فکروخبر/ذرائع)رمضان المبارک کے دوران پانچوں فرض نمازوں میں شرکت کے خواہشمند معتمرین کو حرم شریف لانے لیجانے کیلئے اسپیشل پروگرام تیار کرلیا گیا۔میڈیارپورٹس کے مطابق یہ فیصلہ گورنر مکہ مکرمہ شہزادہ خالد الفیصل کی زیرصدارت اجلاس میں مرکزی حج کمیٹی نے کیا۔چارکروڑ معتمرین کو حرم شریف لایا لیجایا جائیگا۔ اس انتظام کے تحت حرم شریف کیلئے شٹل سروس ہوگی۔دوہزار بسیں چلائی جائیں گی۔ 25لاکھ گاڑیوں کی پارکنگ کا انتظام ہوگا۔ پیدل چلنے والوں کیلئے سایہ دار گزر گاہیں مختص ہونگی۔