فوجی طیارے کا حادثہ،الجیریا میں تین روزہ سوگ 

صدر کی جمعہ کی نماز کے بعد خصوصی دعاؤں کی بھی اپیل 

الجیرز :12؍اپریل2018(فکروخبر/ذرائع)الجیرین صدر عبدالعزیز بوتیفلیکا نے فوجی طیارے کے حادثے میں257افراد کی ہلاکت کے بعد 3روزہ قومی سوگ کا اعلان کیا ہے،جو کہ ملک کا خونریز ترین فضائی حادثہ ہے۔ سرکاری نیوز ایجنسی اے پی ایس کی طرف سے شائع ہونے والے ایک بیان کے مطابق شمالی افریقی ریاست کے رہنما نے ہلاک شدگان کیلئے جمعہ کی نماز کے بعد خصوصی دعاؤں کی بھی اپیل کی ہے،جس میں زیادہ تر فوجی اہلکار اور ان کے اہلخانہ شامل تھے۔