سعودی ڈیفنس سسٹم نے جازان میں حوثیوں کا ایک اور میزائیل حملہ ناکام بنادیا

ریاض:05؍اپریل2018(فکروخبر/ذرائع)حوثی باغیوں نے ایک مرتبہ پھر جازان پر میزائل داغا جسے سعودی فضائیہ نے ناکارہ بنادیا۔ تفصیلات کے مطابق بدھ اور جمعرات کی درمیانی شب رات9بجکر31منٹ پر حوثی ملیشیا نے جازان کو میزائل نشانہ بنانے کی کوشش کی ۔ سعودی فضائیہ کے راڈار میں میزائل ریکارڈ کیا گیا جس کا نشانہ جازان کی شہری آبادی تھا۔ 
میزائل حوثیوں کے زیر قبضہ علاقہ صعدہ سے داغا گیا تھا۔ فوری کارروائی کرتے ہوئے سعودی فضائیہ نے میزائل کو ہدف تک پہنچنے سے پہلے ہی فضا میں ناکارہ بنادیا۔میزائل داغنے سے کوئی جانی ومالی نقصان نہیں ہوا۔