اے ٹی ایم لوٹنے کی واردات ہوئی ناکام

تفصیلی واردات کے مطابق اتوار کی رات شہر پولس کنڑول روم سے یہ الرٹ جاری کردیا گیا تھاکہ اپنے اپنے علاقے میں گشت کرتے رہیں اور اے ٹی ایم مشینوں پر بالخصوص نظر رکھی جائے کیونکہ اس سے ایک دن قبل بنگلور وہائٹ فیلڈ علاقے کے راماگونڈنا ہلی کے اے ٹی ایم کاؤنٹر میں ڈکیتی کی واردات پیش آئی تھی۔ اسی ہدایت پر عمل کرتے ہوئے دو پولس جوان منجوناتھ سوامی اور چکا نرسمھیااپنے پولس تھانے حدود مہادیوا گشت کررہے تھے کہ تین بجے کے قریب دو افراد اے ٹی ایم کاؤنٹر کو لوٹنے کی کوشش کررہے تھے۔ پولس کانسٹیبل یہ دیکھ کر اچانک باہر سے کاؤنٹر کا دروازہ بند کرنے کی کوشش کی مگر وہ ناکام رہے، سارقین بھاگنے سے پہلے پولس پر بھی حملہ کردیا۔ سارقوں کے بھاگنے کے بعد پولس نوجوانوں نے کنٹرول روم میں اطلاع کرنے کے بعد اے ٹی ایم کاؤنٹر کا جائزہ لینا شروع کیا تو کاؤنٹر کے اندر سیکوریٹی گارڈ مردہ حالت میں پایا گیا اور اس کے سر پر لوہے کے سلاخ سے وار کیا گیا تھا۔ پولس فوری الرٹ جاری کرکے پورے شہر میں جال بچھا دیا اور دو گھنٹے کے اندر لٹیروں کو گرفتا رکرنے میں کامیاب ہوئی۔ سارقوں کی شناخت دیوناتھ (20) اور نابواکاؤر (21) آسام کی حیثیت سے کرلی گئی ہے۔ پولس کا بیان ہے کہ اے ٹی ایم سے کسی قسم کی رقم چوری نہیں ہوئی ہے،رقم ذخیرہ کرکے رکھنے کے آلہ تک لٹیرے پہنچنے سے پہلے پولس پہنچ چکی تھی۔