تیراکی کرنے کے دوران پیش آیا حادثہ

فکر وخبر کے مطابق کل دوپہر کھانے سے فارغ ہونے کے بعد چند نوجوان تیراکی کی غرض سے مضافاتی علاقہ شرالی گئے ہوئے تھے ۔ بتایا جارہا ہے ایک نوجوان چھلانگ لگانے کے د وران پہلے سے تیراکی کررہے نوجوان سے اس کا سر ٹکراگیا اور دونوں بیہوش ہوگئے۔ قریب میں تیراکی کررہے نوجوانوں نے کسی طرح انہیں تالاب سے باہر نکال کر اسپتال منتقل کیا گیا جہاں سے انہیں کنداپور ،اس کے بعداڈپی منتقل کیا گیا ہے۔ فکروخبر سے بات چیت کرتے ہوئے مروان کے والد مولانا خلیل الرحمن صاحب منیری نے بتایاکہ دوپہر قریب دو بجے مروان کو منگلور کے ہائی لینڈ اسپتال منتقل کیا گیا ہے جہاں اسے انتہائی نگہداشت والے کمرے میں رکھا گیا ہے۔ ڈاکٹروں کے مطابق سر کے رگ میں خون جم گیا ہے اور آنکھ کے قریب سخت چوٹیں پہنچی ہے جبکہ دوسرے نوجوان شعیب کی بھی حالت نازک بتائی جارہی ہے اور اسے بھی انتہائی نگہداشت والے کمرے میں رکھا گیا ہے۔ دونوں کے رشتہ داروں نے نوجوانوں کی جلد صحتیابی کے لیے دعاؤوں کی درخواست کی ہے۔ ملحوظ رہے کہ مروان جامعہ اسلامیہ بھٹکل میں عا لمیت کے آخری سال میں زیر تعلیم ہے ۔