بجلی غائب ہونے کے ساتھ فاروقی محلہ میں پیش آئی چوری کی واردات

متاثرہ شخص میں سے ایک نے فکروخبر کو بتایا کہ کل ہی اس نے اپنی پٹرول ٹینک فل کروائی تھی، لیکن صبح بائیک نہ چلنے پر اسے احساس ہو ا کہ کسی نے اس کا پٹرول اڑا لیا ہے ، اس کے ساتھ ہی کئی اور ساتھیوں نے بھی کہا کہ ان کی بھی گاڑی سے پٹرول کی چوری ہوئی ہے،،مقامی لوگوں کا کہنا ہے کہ کل رات چار انجان افراد محلہ کا چکر کاٹتے دکھائی دئے لیکن لوگوں نے اسے نظر انداز کر دیا۔ علاقہ کے عوام انہیں پر شبہ ظاہر کررہے ہیں ،واضح رہے کہ بجلی غائب ہونے کے نتیجہ میں دو دن قبل بھٹکل کے رحمت آباد میں بھی کئی گاڑیوں سے پٹرول چوری کی واردات پیش آنے کی اطلاع فکروخبر کو موصول ہوئی تھی ،پولس تھانہ میں شکایت درج کئے جانے کی اطلاع موصول نہیں ہوئی۔