ہوٹل ملازمین کے درمیان ہاتھاپائی :ایک نے دوسرے کو چھرا گھونپ کر کیا قتل (مزید اہم ترین خبریں)

این آر آئی نے کیا بیوی کے خلاف معاملہ درج 

دھوکہ دہی اور قتل کی دھمکی دئیے جانے کا لگایا الزام 

موڈبدری 23؍ اپریل 2017(فکروخبرنیوز) موڈبدری پولیس تھانہ میں اپنی بیوی کے خلاف ایک این آر آئی نے معاملہ درج کراتے ہوئے الزام لگایا ہے کہ اس کی بیوی نے لاکھوں روپئے کا اس کے ساتھ دھوکہ کیا ہے ، درج شدہ شکایت میں اس بات کی بھی وضاحت کی ہے کہ اس کی بیوی نے ہندوستان واپس آنے اور دوبارہ واپس نہ جانے پر وہ اسے جان سے بھی مارنے کی دھمکی بھی دے ڈالی ہے ۔ شکایت درج کرانے والے کی شناخت سنتوش شیٹی مقیم کڈاننڈالے کی حیثیت سے کرلی گئی ہے۔ درج شدہ معاملہ کے مطابق کویت میں ملازمت کرنے والے سنتوش نامی شخص نے کاشی پٹنا سے تعلق رکھنے والی اپوروا نامی خاتون سے سال 2011میں شادی کی تھی۔ شادی میں اس نے اپنی بیوی کو پچیس لاکھ روپئے کے زیورات دئیے تھے ۔ کویت سے واپس آنے کے بعد اس نے کچھ رقم بھی اپنی بیوی کے حوالہ کی تھی او راس کے نام سے 63لاکھ فکس ڈیپازٹ بھی کیے تھے۔ اس نے مزید بتایا کہ اس کے نام کڈاننڈالے میں 28لاکھ روپئے مالیت کا گھر ، ایک اسکوٹر اور ایک کار بھی رجسٹر ہے ۔ سنتوش کا کہنا ہے کہ معاملہ اس وقت پیچیدہ ہوگیا جب سنتوش نے انڈیا آکر یہیں کچھ کاروبار کرکے بقیہ زندگی گذارنے کا فیصلہ کیا ۔ یہ بات اس نے اس کی بیوی کے ایک رشتہ دار کے ذریعہ کہلوائی جس پر اس کی بیوی نے قتل کرنے کی دھمکی دی۔ اب سنتوش تمام تر دستاویزات بیوی نے لوٹانے سے بھی منع کیے ہیں۔ موڈبدری پولیس معاملہ کی تحقیقات کررہی ہے۔