ہیبلے پنچایت انتخابات میں مقامی جماعت کے حمایتی امیدواروں کی شاندار جیت

اسی طرح ورکوڈ میں تین سیٹوں کے لیے سات امیدوارتھے جس میں جماعت کے حمایت یافتہ تینوں امیدواروں نے جیت درج کی۔ جامعہ آباد حلقہ میں دو سیٹوں کے لیے چار امیدوار تھے جس میں بھی جماعت کے حمایتی دو امیدواروں نے جیت حاصل کرلی ہے۔ حنیف آباد حلقہ کے پانچ ممبران بلا انتخاب منتخب کیے گئے جبکہ حنیف آباد کو چھوڑ کر بقیہ حلقوں سے پانچ امیدوار وں کو بلا انتخاب کے منتخب کیا گیا ہے۔ اس طرح مسلمانوں کی جانب سے پنچایت کی جاری میعاد کے لیے کل سترہ امیدوار نمائندگی کریں گے۔ کہا جارہا ہے اس مرتبہ کے انتخابات میں بے جے پی کو زیادہ سیٹیں حاصل نہ ہونے کی وجہ سے پریشان دکھائی جارہی ہے جبکہ کانگریسی امیدواروں کا کہنا ہے کہ ان کی سیٹیں زیادہ ہونے کی وجہ سے جاری میعاد کے لیے ان کی حکومت قائم ہوسکتی ہے اور اس کے لیے انہوں نے اپنی کوششیں بھی جاری رکھی ہیں۔