اختلافات کو اپنی جگہ رکھ کر اتحاد و اتفاق قائم رکھیں :مولانا خالد غازیپوری

اس کے بعدمولانا نے بڑے ہی نصیحت آمیز انداز میں عوام سے مخاطب ہوکر کہا کہ آج کچھ مسلکی اختلافات کی وجہ سے ہم ایک دوسرے سے کھنچے جارہے ہیں جب کہ صحابہ کرام کے دور میں کئی ساری باتوں کو لے کر اختلاف تھا ، اسراء و معراج کے واقعہ کے حوالے سے مولانا موصوف نے کہا کہ معراج کے موقع پر آپ ﷺ نے اللہ رب العزت کو دیکھا تھا یا نہیں اس مسئلہ کو لے کر حضرت عائشہؓ اور حضرت عبداللہ ابن عباسؓ کے درمیان اختلاف تھا، حضرت عبداللہ ابن عباسؓ دیکھنے کے قائل تھے مگر حضرت عائشہ نہیں ،اسی طرح صحابۂ کرام کے مابین کئی مسائل کو لے کر اختلاف تھے مگر یہ اختلافات کبھی ان کے اندر اتحاد میں دراڑ پیدا نہیں کی، اختلافات اپنی جگہ مگر اُمت کی فکر اپنی جگہ، مولانا موصوف نے کہا کہ پوری تاریخ صحابہؓ میں یہ بات نہیں ملتی کہ کوئی ایک دوسرے پر تکفیر کا فتویٰ لگایا ہو، ہم کو بھی اپنے اختلافات اپنی جگہ رکھ کر اتحاد و اتفاق کو قائم رکھنے کی ضرورت ہے ۔ ملحوظ رہے کہ بی ایم جے ڈی کی جانب سے منعقدہ اس پروگرام کا آغاز مولانا فیض احمد اکرمی ندوی کے تلاوتِ قرآن پاک سے ہوا، مولانا ارشاد علی افریقہ ندوی ، سکریٹری دوم نے استقبالیہ کلمات پیش کئے، جب کہ مولانا تعارف نائب صدر مولانا سیدہاشم نظام ندوی نے پیش کیا۔ جماعت کے صدر جناب محمد امجد شاہ بندری نے صدارتی خطاب سے نوازا ،نظامت کے فرائض انجام دے رہے اسٹڈی سرکل کے کنوینر جناب یاسر قاسمجی کے شکریہ کلمات پر جلسہ اختتام کو پہنچا