اترا کنڑ 26 مئی 2024  :ضلع کے کاروار میں رابندر ناتھ ٹیگور بیچ پر سیاح لطف اندوز ہو رہے ہیں۔ اترا کنڑ ضلع انتظامیہ نے سمندر کے کنارے پر سرخ جھنڈا لگا کر سمندر میں نہ اترنے کی وارننگ جاری کی ہے کیونکہ موسم کی شدید صورتحال کی وجہ سے لہروں میں طغیانی ہے ۔ تاہم ضلعی انتظامیہ کے حکم کی دھجیاں اڑانے والے سیاح سمندر میں جا کر بے حسی کا مظاہرہ کر رہے ہیں۔ خاص طور پر آج (26 مئی) اتوار کو سیاحوں کی بڑی تعداد پہنچی اور لہروں کی گرج کی پرواہ کیے بغیر اپنے بچوں کے ساتھ سمندر میں اتری۔ ضلعی انتظامیہ نے اب ریڈ الرٹ جاری کردیا ہے۔