30؍مارچ 2024 : کرناٹک کے نائب وزیر اعلی اور ریاستی کانگریس کے صدر ڈی کے شیوکمار نے الزام لگایا ہے کہ انہیں جمعہ کی رات انکم ٹیکس کا نوٹس موصول ہوا ہے۔ شیوکمار نے مزید کہا کہ نوٹس ایک ایسے مسئلے سے متعلق ہے جو پہلے ہی طے ہوچکا تھا۔ انہوں نے کانگریس کو آئی ٹی نوٹس پر میڈیا سے بات کرتے ہوئے اس کا انکشاف کیا۔  انہوں نے کہا کہ اس ملک میں جمہوریت ہے۔

شیوکمار نے کہا کہ بی جے پی حکومت عہدیداروں کو ہدایت دے رہی ہے اور اس طرح کی کارروائی کر رہی ہے۔ انہوں نے زور دے کر کہا کہ انڈیا الائینس این ڈی اے کو شکست دے گا اسی لئے وہ اپوزیشن میں خوف پیدا کرنے کی کوشش کر رہے ہیں۔ وہ اپوزیشن کو نشانہ بنا رہے ہیں، جس کا مطلب یہ ہے کہ کانگریس اور انڈیا اتحاد سے ڈرتے ہیں۔ انڈیا الائنس این ڈی اے کو ہرانے جا رہا ہے۔ بی جے پی اس کمزوری کو سمجھ چکی ہے۔ وہ جانتے ہیں کہ وہ الیکشن ہار جائیں گے۔ اس لیے وہ خوف پیدا کرنے کی کوشش کر رہے ہیں۔