بنگلورو، 10 فروری:  کانگریس کے رکن پارلیمنٹ ڈی کے سریش نے ہفتہ کے روز بی جے پی کے سابق وزیر کے ایس ایشورپا کو چیلنج دیا کہ وہ دوسروں کے کام کرنے کا انتظار کرنے کے بجائے  خود ہی انہیں گولی ماردیں۔

کرناٹک کے سابق وزیر ایشورپا نے جمعرات کو داونگیرے میں کہا تھا کہ مرکز کو سریش اور کانگریس ایم ایل اے ونے کلکرنی جیسے غداروں کو گولی مارنے کے لیے ایک قانون بنانا چاہیے جو جنوبی ہندوستان کو الگ ملک بنانا چاہتے ہیں۔

اب بی جےپی رہنما کے اس بیان پر ان کے خلاف ایف آئی آر درج کی گئی ہے اور داونگیرے میں بی جے پی لیڈر کے ریمارکس کے خلاف نوٹس جاری کیا گیا ہے۔

ڈی کے سریش نے نامہ نگاروں سے بات کرتے ہوئے کہا کہ کوئی اور مجھے گولی کیوں مارے؟ اگر آپ (ایشورپا) مجھے وقت دیں تو میں کرناٹک اس کی سرزمین اور کنڑیگاز کی خاطر آپ کے سامنے کھڑا ہوں گا۔"

انہوں نے کہا کہ وہ جلد ہی بی جے پی لیڈر سے ملاقات کا وقت طے کریں گے۔

"آپ چاہتے ہیں کہ آپ کی قیادت آپ کی تعریف کرے۔ ادھر ادھر کیوں جائیں (قاتلوں کی) تلاش میں؟ میں آپ کے گھر آؤں گا۔ میں جلد ہی ایک وقت طے کروں گا اور ایک ہفتے کے اندر آپ سے ملاقات کروں گا۔ تیار رہو کہ آپ مجھے گولی مارنا چاہتے ہیں یا مجھے چھرا مارنا چاہتے ہیں 

نائب وزیر اعلیٰ ڈی کے شیوکمار نے کہا کہ ان کا بھائی سریش جانتا ہے کہ اس طرح کی دھمکیوں سے کیسے نمٹا جاتا ہے۔

ڈپٹی سی ایم نے یہاں نامہ نگاروں کو بتایا، "سریش اس قسم کا شخص نہیں ہے کہ دھمکیوں سے ڈر جائے۔ ہم جانتے ہیں کہ اس سے کیسے نمٹا جائے۔

شیوکمار نے کہا کہ ہر عمل کا ایک نتیجہ ہوتا ہے۔