19/جنوری/2024(فکروخبر/ذرائع)اسرائیلی وزیراعظم نیتن یاہو کی کابینہ ٹوٹ پھوٹ کا شکار ہو گئی۔

یروشلم پوسٹ کی ایک رپورٹ کے مطابق اسرائیل میں ہنگامی حکومت جو کہ غزہ پر جاری جنگ کے دوران معاملات کو سنبھال رہی ہے "ختم ہونے کے قریب” ہے۔

اسرائیلی آؤٹ لیٹ نے کہا کہ سوال اب یہ نہیں ہے کہ کیا 2024 میں انتخابات ہوں گے بلکہ یہ ہے کہ 2024 میں الیکشن کب ہوگا؟ کیونکہ غزہ میں اپنے مقاصد کے حصول میں اسرائیل کی ناکامیوں کے درمیان نیتن یاہو کی پوزیشن کمزور پڑی ہے۔

تاہم فوری طور پر انتخابات ہونے کا امکان نہیں ہے کیونکہ زیادہ تر اتحادی اراکین نے اپنا بجٹ حاصل کر لیا ہے اور وہ عوام کے مطالبات کے باوجود چیزوں کو ہلانے سے گریزاں ہیں۔

یروشلم پوسٹ نے بھی گزشتہ ہفتے لیکوڈ کے نامعلوم ارکان کے حوالے سے خبر دی تھی کہ ان کا خیال ہے کہ نیتن یاہو کے پارٹی لیڈر کے طور پر دن گنے جا چکے ہیں کیونکہ پارٹی رائے عامہ کے جائزوں میں خراب کارکردگی کا مظاہرہ کر رہی ہے۔