08/dسمبر/2023(فکروخبر/ذرائع)اسرائیل کی وحشیانہ بمباری کے نتیجے میں غزہ کے یتیم ہونے والی یہ تین بچے اپنے والد کے جنازے کے پاس بیٹھے الوداع کر رہے ہیں۔

فلسطینی مزاحمتی تنظیم حماس کے ساتھ عارضی جنگ بندی کا معاہدہ ختم ہونے کے بعد سے اسرائیلی کی غزہ اور دیگر قابض علاقوں پر بدترین بمباری جاری ہے۔

اسرائیل کی جانب سے غزہ کے گنجان آباد جنوبی حصوں پر حملے کیے جا رہے ہیں جہاں شمالی غزہ سے جبری انخلا کے بعد فلسطینیوں کی اکثریت پناہ لیے ہوئے ہیں، صیہونی فورسز کی جانب سے رہائشی عمارتوں کو نشانہ بنایا جا رہا ہے۔

اسرائیلی بمباری سے کہیں بچے والدین تو کہیں والدین بچوں سے بچھڑ گئے، غزہ میں اسرائیلی بمباری کے بعد 3 بچوں کی اپنے والد سے بچھڑنے کے بعد کی ویڈیو بھی منظرِ عام پر آگئی۔

ویڈیو میں دیکھا جاسکتا ہے کہ اسرائیل کی وحشیانہ بمباری کے نتیجے میں غزہ کی یتیم ہونے والی یہ تین بچے اپنے والد کے جنازے کے پاس بیٹھے الوداع کر رہے ہیں۔

ویڈیو میں دیکھا جاسکتا کہ بڑی بہن اپنے دونوں چھوٹے بھائیوں سے کہتی ہے ’دیکھو یہ کتنےخوبصورت لگ رہے ہیں،  رو مت‘۔

سیکھو ہم کم از کم انکو الوداع توکہہ رہے ہیں، لیکن ایسے بھی لوگ بھی ہیں جنہیں اپنوں کو الوداع کہنے کا موقع نہیں ملا، یہ مصیبت صرف ہم پر ہی نہیں ہے۔