پارلیمنٹ کے ایک بیان میں لکھا گیا کہ ’’یہ فیصلہ کیا گیا ہے کہ اسرائیل کی حمایت کرنے والی کمپنیوں کی مصنوعات پارلیمنٹ کے کیمپس کے ریستورانوں، کیفے ٹیریاز اور ٹی ہاؤسز میں فروخت نہیں کی جائیں گی۔‘‘

پارلیمنٹ کے اسپیکر نعمان قرطلمس نے یہ فیصلہ کیا لیکن بیان میں کمپنیوں کی شناخت نہیں کی گئی۔ ایک ذریعے نے خبر رساں ادارے روئٹرز کو بتایا کہ کوکا کولا مشروبات اور نیسلے کی انسٹنٹ کافی ہی واحد برانڈز کو ہٹا دیا گیا، یہ فیصلہ عوامی مطالبے کی وجہ سے کیا گیا۔

سوشل میڈیا پر کارکنوں نے لوگوں سے اسرائیلی سامان اور مغربی کمپنیوں کا بائیکاٹ کرنے کا مطالبہ کیا ہے جو غزہ پر اس کے حملے کی حمایت کرتی ہیں۔