لوک آیوکتہ ایس پی سدے گوڈا کی بھٹکل آمد

اس موقع پر بلدیہ کی جانب سے گلمی میں دئے گئے سائٹ(جگہوں) میں بدعنوانی ہونے کی بات سامنے آئی ہے ، بلدیہ کے اراکین نے اس موقع پر اس پر سخت اعتراض جتا تے ہوئے کہا کہ خود اپنی زمین کی حفاظت کرنا مشکل ہوگیا ہے۔ اس بات پر لوک آیوکتہ نے سخت ہدایت کرتے ہوئے افسران کو آڑے ہاتھوں لیا اور پھر خود جگہوں کا معائنہ کرنے کے بعد متعلقہ افسران کو کئی باتوں کی ہدایت کی۔ اس کے بعد یہاں شہر کے ایک مشہور سوپر مارکیٹ میں ہنگامی حالات سے نمٹنے کے لیے فائر سیفٹی نہ ہونے پر اعتراض جتایا گیا تو لوک آیوکتہ نے متعلقہ سوپر مارکیٹ کا بھی معائنہ کرنے کے بعد افسران کو اور مالک کو فوری اس جانب توجہ کرتے ہوئے عمل آوری کی ہدایت کی۔ اس موقع پر لوک آیوکتہ انسپکٹر کرن، سب انسپکٹر ناگیش گوڈا، وغیرہ موجود تھے۔