یومِ انسداد منشیات کے موقع پر بھٹکل پولس انتظامیہ کی جانب سے بیداری مہم

آخر میں شرالی کے ایک ہال میں ایک جلسہ کا انعقاد کیا گیا ،مہمانِ خصوصی کے طوپر شریک بھٹکل ٹاؤن پی ایس آئی مسٹر جانسن ڈیسوزا نے طلباء سے مخاطب ہوکر منشیات کے اسمگلنگ میں ملوث ہونے اور اس کے استعمال سے پید اہونے والے مضراثرات کا تذکرہ کرتے ہوئے طلباء کو روشن مستقبل کے لیے ان تمام چیزوں سے دور رہنے کی تلقین اور کہا کہ تعلیم کے بعد آپ جہاں بھی جاکر روزگاری ڈھونڈیں وہاں پولس کلیرنس سرٹیفکٹ پوچھی جاتی ہے ، ایسے میں اگر منشیات کی اسمگلنگ یا اسی قسم کے کسی جرم میں ملوث ہو تو پھر پولس علاقے میں بلیک لسٹ میں نام شمار کرلیا جاتاہے جو آگے جاکر مشکلیں پید اکرتا ہے ،اسی طرح اس موقع پر کنڑا خبار اُدئے وانی کے مقامی نمائند آر کے بھٹ نے طلباء سے مخاطب کر ایک بہترین باشندہ بن کر زندگی گذارنے پر زور دیتے ہوئے حالیہ بھٹکل سے تعلق رکھنے والے بے قصور نوجوانوں کا بنگلور میں گرفتاری کا حوالہ دیتے ہوئے کہا کہ ہم بنا دیکھے کوئی میسیج فارورڈ کردیتے ہیں جس کی بنا پر کئی مشکلیں پیدا ہوتی ہیں، کسی کے بھیجے ہوئے پیغام کو فارورڈ کرکے خود کو کیوں مشکلات پھنساتے ہیں، پیغام دیکھیں اور معاملہ ختم کریں، اور ایک بہترین اور اچھی زندگی کے لیے تعلیمی مراحل پورا کریں،ا س موقع مقامی اخباری نمائندوں کے علاوہ کثیر تعداد میں طلباء اور پولس افسران موجودتھے۔؛