ترک صدر اردگان نے یوکرین کی حمایت کردی

ترکیہ کے صدر رجب طیب اردوان نے کہا ہے کہ اس میں کوئی شک نہیں کہ یوکرین نیٹو کی رکنیت کا حقدار ہے۔

استنبول میں یوکرینی ہم منصب ولادیمیر زیلنسکی سے ملاقات کے بعد مشترکہ پریس کانفرنس میں طیب اردوان نے کہا کہ ترکی یوکرین کی نیٹو کی رکنیت کی خواہشات کی حمایت کرتا ہے۔

انہوں نے روس یوکرین تنازعہ کو ختم کرنے کے لیے "امن کی کوششوں میں واپسی” پر زور دیتے ہوئے کہا کہ دونوں فریقین کو امن مذاکرات کی طرف واپس جانا چاہیے جو گزشتہ سال روس کے یوکرین پر حملے کے بعد 500 دنوں سے جاری ہے۔

ان کا کہنا تھا کہ منصفانہ امن سے کوئی نقصان نہیں ہوتا اور ترکی مذاکرات کے ذریعے جنگ کی ختم کرنے کی کوششوں کو جاری رکھے گا۔

زیلنسکی نے اردگان کی حمایت کے لیے شکریہ ادا کرتے ہوئے کہا کہ میں یوکرین کی علاقائی سالمیت اور خودمختاری کی حمایت کے لیے شکر گزار ہوں، امن کا فارمولا ہمارے ممالک، ہمارے لوگوں اور ہمارے مفادات کا تحفظ ہے۔

زیلنسکی نیٹو کے ایک اہم سربراہی اجلاس سے پہلے یورپی ممالک کا دورہ کررہے ہیں۔