افسوسناک خبر ! حضرت مولانا سید محمد رابع حسنی ندوی انتقال کر گئے

صدر آل انڈیا مسلم پرسنل لاء بورڈ حضرت مولانا سید محمد رابع حسنی ندوی  کا انتقال ہوگیا۔گزشتہ ہفتے مولانا کی اچانک طبیعت خراب ہوئی ، سینے میں جکڑن کی وجہ سے سانس لینے میں دشواری ہورہی تھی ،جس پر انھیں فوراً راۓ بریلی سے لکھنؤ لایاگیا جہاں ان کا علاج کیا جا رہا تھا آج دوران علاج انتقال ہوگیا۔

حضرت کی نماز جنازہ انشا الله آج رات 10 بجے دارالعلوم ندوةالعلماء میں ادا کی جائیگی اور بروز جمعہ صبح 8 بجے راۓ بریلی تکیہ میں تدفین عمل میں لائی جائے گی ۔

اللہ تعالی حضرت کی بال بال مغفرت فرمائے،درجات بلند فرمائے ، خدمات قبول فرمائے امت مسلمہ کو ان کا نعم البدل عطا فرمائے۔ آمین 

محمد رابع حسنی ندوی اترپردیش کے بریلی میں سال 1929ء میں پیدا ہوئے۔ مولانا ، عربی اور اردو زبانوں میں تقریباً 30 کتابوں کے مصنف ہیں۔رابع حسنی ندوی آل انڈیا مسلم پرسنل لا بورڈ کے چوتھے صدر اور دار العلوم ندوۃ العلماء کے ناظم تھے ۔ نیز مولانا رابع حسنی ندوی عالمی رابطہ ادب اسلامی ریاض (سعودی عرب) کے نائب صدر اور رابطہ عالم اسلامی مکہ مکرمہ کے رکن اساسی بھی تھے