بیجنگ : 31/جنوری/2022(ٖفکروخبر/ذرائع) چین کے صدر شی جن پنگ نے امریکہ کو واضح الفاظ میں کہا ہے کہ تائیوان ہمارا حصہ ہے، اس حوالے سے امریکی حمایت نقصان دہ ثابت ہوگی۔فوجی وردی پہن کرچینی صدر نے امریکہ کو خبردار کردیا ہے۔

غیر ملکی خبر رساں ادارے کی رپورٹ کے مطابق چین کے صدر نے پہلی بار فوجی وردی پہن کر تائیوان کے بارے میں امریکہ کو انتباہ دیا ہے۔

فوجی وردی میں ملبوس چین کے صدر شی جن پنگ کا کہنا تھا کہ تائیوان کے لیے امریکہ کی حمایت آگ سے کھیلنے کے مترادف ہے۔

انہوں نے بڑے واضح الفاظ میں کہا کہ تائیوان کے معاملے میں فیصلہ کن بات وہی ہوگی جو چین چاہے گا، چین تائیوان کو اپنا اٹوٹ حصہ سمجھتا ہے اور اس کا کہنا ہے کہ امریکہ کی جانب سے تائیوان کی حمایت اور اسلحے کی فروخت متحدہ چین کی پالیسی کے خلاف اور اقتدار اعلیٰ کے منافی ہے۔

دوسری جانب امریکہ اپنا بحری بیڑا آبنائے تائیوان روانہ کرکے علاقے میں مسلسل کشیدکی بنائے رکھنے کی کوشش کر رہا ہے۔

ARY News Urdu