29/جنوری 2022(فکروخبر/ذرائع)غیر معمولی برف باری کے بعد بیت المقدس سفید چادر سے ڈھک گیا ہے، برفانی قالین نے مقدس شہر کو موسم سرما کے ایک عجوبے میں بدل دیا ہے۔

فلسطینی شہر مقبوضہ یروشلم میں تاریخ کی زبردست برف باری ہوئی ہے، جس نے مقدس شہر کے مشہور سنہری گنبد کو جمعرات کو برف سے ڈھک دیا ہے۔

برف باری کی کی خوب صورت تصاویر اور ویڈیوز بھی سوشل میڈیا پر وائرل ہو گئی ہیں، جن میں برفباری ہوتے دیکھی جا سکتی ہے، مقامی شہری برفباری سے خوب لطف اندوز ہو رہے ہیں۔

برف باری کی وجہ سے مقدس شہر اور اس کی بڑی شاہراہوں کو جانے والی اہم سڑکیں بند ہو گئی ہیں، شہر میں اسکول اور کاروبار دن بھر کے لیے بند رہے، اور میونسپل اہل کار برف سے ڈھکی سڑکوں کو صاف کرنے میں مگن رہے۔

بیت المقدس میں سردی کی شدید لہر اور برفباری کے باعث شہری زندگی متاثر ہوگئی ہے، جب کہ اسکول، تجارتی ادارے اور بینک بند ہوگئے ہیں۔

فلسطینی محکمہ موسمیات کا کہنا تھا کہ مشرقی بیت المقدس میں برفباری کا سلسلہ جاری ہے، فلسطین کے متعدد شہروں میں سردی کی لہر جاری ہے، رام اللہ، نابلس، بیت لحم اور الخلیل میں برف باری ہو رہی ہے۔

ARY News Urdu