افغان طالبان کے ترجمان ذبیح اللہ مجاہد نے کہا ہے کہ جرمن شہریوں کو افغانستان میں خوش آمدید کہا جائے گا۔ انہوں نے اس امید کا اظہار بھی کیا کہ جرمنی ان کے ساتھ سفارتی تعلقات قائم کرے گا اور ملک کی تعمیر نو اور بحالی کے لیے مالی امداد بھی فراہم کرے گا۔ جرمن روزنامہ ولٹ ام زونٹاگ کے ساتھ گفتگو میں مجاہد کا کہنا تھا کہ افغانستان میں جرمنوں کو ہمیشہ ہی خوش آمدید کہا گیا تھا تاہم ’بدقسمتی‘ سے افغان جنگ میں وہ امریکا کے اتحادی بن گئے۔ تاہم اس جنگجو گروپ کے ترجمان نے کہا کہ ’اب انہیں معاف‘ کر دیا گیا ہے‘۔