بیروت:29جون2020(فکروخبر/ذرائع)لبنانی دارالحکومت بیروت میں ناکہ بندی کرنے کی کوشش کرنے  والے مظاہرین اور فوج کے درمیان ہاتھا پائی میں 10 افراد زخمی ہو گئے۔

بیروت سمیت شمالی شہر طرابلشام  اور مشرقی شہر بقا میں کل شام گلی کوچوں میں نکلنے والے سینکڑوں کی تعداد میں لبنانیوں نے اقتصادی بحران اور  مہنگائی کےخلاف احتجاجی مظاہرے کیے۔

بیروت   میں ہونے والے مظاہرے کے خلاف سیکیورٹی قوتوں نے   سخت مداخلت کی۔   اس دوران  تصادم میں  10 مظاہرین زخمی ہو گئے۔طرابلشام شہر میں بھی  منعقد ہونے والے پیدل مارچ میں بھی لبنانی لیرے کی قدر میں ہر گزرتے دن  بلیک مارکیٹ میں  گراوٹ آنے  اور اس سے ملک میں مہنگائی ہونے پر  مظاہرین نے احتجاج کیا۔

مختلف مذاہب و دینوں کا حامل  لبنان  سیاسی  اعتبار سے کافی نازک ڈھانچے کا مالک ہے ،  ملک کو سن 1975 تا 1990 کی خانہ جنگی کے بعد اب اپنی تاریخ کے بد ترین مالی بحران کا سامنا ہے۔