شمال مغربی شام میں جنگوں کے باعث ہزارہا بچے تعلیم سے محروم

شمال مغربی شام میں حکومتی دستوں کے جنگجووں کے خلاف کئی ماہ سے جاری آپریشن کے باعث ہزارہا بچے اسکول نہیں جا سکیں گے۔ اس مسلح آپریشن کی وجہ سے درجنوں اسکول بند ہو چکے ہیں۔ ’سیو دا چلڈرن‘ نامی برطانوی غیر سرکاری امدادی تنظیم نے بتایا کہ ادلب کے علاقے میں جاری لڑائی اور وہاں چار ماہ تک جاری رہنے والے فضائی حملوں کے باعث اس خطے کے تقریباﹰ بارہ سو اسکولوں میں سے صرف نصف ایسے ہیں، جو ابھی تک کام کر سکتے ہیں۔ اب تک کے پروگرام کے مطابق نئے تعلیمی سال کے آغاز پر پڑھائی کا سلسلہ اس ماہ کے اختتام پر بحال ہو جائے گا۔