یمنی فوج اور حوثی ملیشیا  کے درمیان  شدید لڑائی جاری 

 یمنی فوج نے 15 کلو میٹر کا علاقہ  آزاد کرالیا،19باغی گرفتار کرنے کا دعویٰ

 صنعاء:31اگست2019(فکروخبر/ذرائع)یمنی فوج نے یمن میں شمالی شہر حرض کے بیرونی اطراف یمنی فوج اور باغی حوثی ملیشیا کے بیچ مسلسل دوسرے روز ہونے والی شدید لڑائی کے بعد تقریبا 15 کلو میٹر کا علاقہ آزاد کرا لیا۔ اس میں بنی ہلال، الراکب اور العسیلہ کے علاوہ دیگر دیہات ھی شامل ہیں۔مذکورہ ذریعے نے اس امر کی تصدیق کی کہ یمنی فوج حرض شہر سے صرف ایک کلو میٹر کے فاصلے پر ہے۔یمنی فوج کے فِفتھ ملٹری زون کے میڈیا سینٹر کے مطابق مسلسل دوسرے روز ہونے والی شدید لڑائی کا سلسلہ ابھی تک جاری ہے۔ اس دوران حوثی ملیشیا کے متعدد ارکان ہلاک اور زخمی ہوئے جب کہ 9 باغی حوثیوں کو قیدی بنا لیا گیا۔میڈیا سینٹر نے ایک وڈیو کلپ جاری کیا ہے جس میں حرض شہر کے بیرونی اطراف حوثی ملیشیا کے ساتھ لڑائی اور معرکے کے دوران قیدی بنائے گئے حوثی جنگجوں کے مناظر دکھائے گئے ہیں۔یمنی فوج اس وقت حرض شہر کو آزاد کرانے کے لیے عسکری آپریشن میں مصروف ہے۔ آپریشن میں اسے یمن میں آئینی حکومت کو سپورٹ کرنے والے اتحاد کی فورسز کی معاونت حاصل ہے۔