امریکا کی تائیوان کے ساتھ اسلحہ کی بڑی ڈیل پر چین کا اظہار تشویش

واشنگٹن:09جولائی2019(فکروخبر/ذرائع)امریکا کے محکمہ خارجہ نے تائیوان کو 2.2ارب ڈالر مالیت کے اسلحہ کی فروخت کی منظوری دے دی ہے جس پر چین نے سخت تشویش کا اظہار کیا ہے۔  غیر ملکی خبر رساں ادارے کے مطابق تائیوان کی جانب سے اسلحہ کی درخواست میں 108 ٹینک اور250سٹینگر میزائل شامل ہیں۔ پینٹا گان نے ایک بیان میں کہا ہے کہ دیگر اسلحہ میں مشین گنز ایمونیشین، ہرکولس آرمرڈ وہیکلز، ہیوی ایکوئپمنٹ ٹرانسپورٹرز اور متعلقہ سازوسامان بھی شامل ہے۔ قبل ازیں چین کی وزارت خارجہ نے تائیوان کو امریکی اسلحہ کی فروخت کی اطلاعات پر اپنی سخت تشویش کا اظہار کرتے ہوئے امریکہ پر زور دیا تھا کہ وہ دو طرفہ تعلقات کے نقصان سے بچنے کے لئے فوری طور پر اسلحہ کی فروخت روکے۔