امریکا منجمد کر دینے والی ریکارڈ سردی کی زد میں

واشنگٹن:31؍جنوری2019(فکروخبر/ذرائع)امریکا کی کئی ریاستوں اور شہروں کو اس وقت منجمد کر دینے اور ریکارڈ حد تک منفی درجہ حرارت والی سردی کا سامنا ہے۔ امریکی محکمہ موسمیات کے مطابق شکاگو میں آج جمعرات کو درجہ حرارت منفی بتیس ڈگری سینٹی گریڈ سے بھی نیچے تک گر جائے گا اور یوں بیس جنوری انیس سو پچاسی کو وہاں پڑنے والی زیادہ سے زیادہ سردی کا گزشتہ ریکارڈ بھی ٹوٹ جائے گا۔ امریکا کے چند دیگر علاقوں میں تو درجہ حرارت منفی چالیس ڈگری سینٹی گریڈ تک گر جانے کی پیش گوئی کی گئی ہے۔ اندازہ ہے کہ آج ہی سے مجموعی طور پر درجہ حرارت تھوڑا سا بڑھنا شروع ہو جائے گا۔