اسرائیل کی طرف سے غزہ کو ایندھن اور تیل کی سپلائی بحال

غزہ :25؍اکتوبر2018(فکروخبر/ذرائع)اسرائیلی حکام کی طرف سے غزہ کی پٹی کے علاقے کو گیس اور قطر کی معاونت سے پٹرولیم مصنوعات کی سپلائی کی اجازت دے دی ہے۔اسرائیلی وزیر دفاع آوی گیڈور لایئبرمین نے ایک بیان میں کہا تھا کہ سیکیورٹی اداروں کی طرف سے سفارشات کے بعد غزہ کو ایندھن کی سپلائی کی اجازت دی گئی ہے۔ یہ پیش رفت ایک ایسے وقت میں سامنے آئی ہے جب دوسری جانب غزہ کی پٹی میں تحریک حماس اور اسرائیل کے درمیان جنگ بندی کی کوششیں ایک بار پھر زیربحث ہیں۔خیال رہیکہ اسرائیل بے 12 اکتوبر کو غزہ کی پٹی کو تیل اور گیس کی سپلائی بند کردی تھی۔ اس روز غزہ کی پٹی میں اسرائیلی ریاستی دہشت گردی کے خلاف احتجاج کرنے والے7 فلسطینیوں کو شہید کردیا تھا۔