کشمیر کی فضا دن بہ دن خراب ہورہی ہے

حقیقت یہ ہے کہ ان مفاد پرست لیڈروں نے کشمیر میں ان کشمیریوں کی معاشی حالت بھی بگاڑ دی ہے اور عالمی سطح پر یہ دکھانا چاہتے ہیں کہ ہندوستان کی حکومت ان کشمیریوں کی معاشی بدحالی کی جانب کوئی دھیان نہیں دیتی جبکہ ہند کشمیر کو سب سے زیادہ اور سب سے بڑے پیکج پیش کرتی ہے جو اربوں روپئے کی صورت میں ہوتے ہیں، جہاں تک حکومت ہند کی اپنی کوشش رہتی ہے کہ کشمیری عوام کسی بھی طرح پریشان نہ ہوں، اتنا ہی ان کشمیریوں کو معاشی طور پر بدحال دکھایا جاتا ہے۔ حکومت ہند جتنا کشمیر کو مدد دیتی ہے کسی بھی صوبے کو نہیں دیتی؛ لیکن وہ لیڈر جو ان کے یعنی کشمیری عوام کے رکھوالے بنے ہوئے ہیں وہی حکومت ہند کی آنکھوں میں دھول جھونک کر غربت کا نظارہ دکھانا چاہتے ہیں جس سے یہ محسوس ہوتا ہے کہ ان لیڈروں کے بھی سیاسی ادارے صحیح نہیں ہیں، اگر ان کے ارادے صدق دلی پر مبنی ہوتے تو کشمیر میں اتنی غربت نہیں آتی نہ معلوم یہ پیکج کس صورت میں اور کہاں خرچ کئے جاتے ہیں کچھ نہیں معلوم۔ اس طرح اگر یہ کہا جائے کہ حکومت ہند کو کشمیر کی جانب نظر رکھنے کی ضرورت ہے تو غلط نہیں ہوگا کیونکہ اگر نظر نہیں رکھی گئی تو کشمیر میں معاشی بدحالی اور بڑھے گی علیحدگی پسندوں کی سرگرمیاں نت نئے طریقوں سے سر اُٹھارہی ہیں، ان کی دہشت گردانہ سرگرمیاں دن بہ دن بڑھ رہی ہیں، یہ ہی علیحدگی پسند لیڈر پاکستان سے مدد حاصل کرتے ہیں، پاکستان اپنے ذریعہ ان کو امریکہ اور چین کے ذریعہ بھی امداد فراہم کراتا ہے، اس طرح کشمیر کے مکمل طور پر حالات جتنے کراب ہیں ان سے زیادہ خراب ہونے کا اندیشہ صاف نظر آرہا ہے، یہ حکومت ہند کی کمزوری ہے جو کشمیر کے حالات خراب ہیں، حکومت ہند اب سختی سے قدم اُٹھائے اور حالات کو قابو میں کرنے کی کوشش کرے۔ (یو این این)