چین: خاتون ڈرئیوار نے فراری کار شوروم سے نکالتے ہی ٹریفک بیرئر میں دے ماری

بیجنگ:25؍جون2018(فکروخبر/ذرائع) چین میں خاتون ڈرائیور نے رینٹ پر لی گئی فراری کار تیز رفتاری کے باعث سڑک کے درمیان لگے ٹریفک بیرئر میں دے ماری۔تفصیلات کے مطابق چین کے شہر وین لنگ میں خاتون ڈرائیور نے دنیا کی مہنگی اور تیز ترین کار فراری 458 کو سڑک کے درمیان میں لگی رکاوٹوں میں دے مارا۔غیر ملکی خبر رساں ادارے کے مطابق خاتون رینٹ پر فراری کار شو روم سے  لے کر نکلی ہی تھیں کہ چند لمحے بعد ہی گاڑی کی تیز رفتاری کے باعث خاتون کار پر کنٹرول کھو بیھٹی اور ٹریفک بیرئر میں دے ماری۔سوشل میڈیا پر فراری کار کو پیش آنے والے حادثے کی وائرل ہونے والی ویڈیو میں دیکھا جاسکتا ہے گاڑی سڑک کے درمیان لگے ہوئے لوہے کے ٹریفک بیرئر کو توڑتی ہوئی روڈ کے دوسری جانب سے آنے والی بی ایم ڈبلیو کار میں جاگھسی۔ویڈیو میں واضح طور پر دیکھا جاسکتا ہے کہ گاڑی حادثے کے باعث مکمل طور پر تباہ ہوگئی جبکہ گاڑی کی ڈرائیور اور مسافر خاتون معجزاتی طور پر محفوظ رہے۔غیر ملکی خبر رساں ادارے سے گفتگو کرتے ہوئے خاتون نے بتایا کہ ’میں نے پہلی بار فراری چلائی اور فراری چلا کر بہت اچھا محسوس ہوا‘۔