صہیونی فورسز کی درندگی بدستور جاری،مزید 4فلسطینی شہید،متعدد زخمی 

احتجاج کرنیوالے مظاہرین پر فورسز نے اندھادھند فائرنگ کی ،وزارت صحت    

مقبوضہ بیت المقدس:21؍؍اپریل2018(فکروخبر/ذرائع)فلسطین کے علاقے غزہ کی پٹی کی مشرقی سرحد پر حق واپسی کیلئے احتجاج کرنیوالے فلسطینیوں پر اسرائیلی فوج نے فائرنگ کی جس کے نتیجے میں کم سے کم4 فلسطینی شہید اور متعدد زخمی ہوگئے ہیں۔ہفتہ کو ترجمان فلسطینی وزارت صحت اشرف القدرہ نے اپنے ایک بیان میں کہا کہ شمالی غزہ میں جبالیا پناہ گزین کیمپ کے قریب ہزاروں کی تعداد میں فلسطینیوں نے حق واپسی کے لیے ریلی نکالی،اس موقع پر اسرائیلی فوج نے مظاہرین پر سیدھی گولیوں سے فائرنگ کی،اسرائیلی فوج کی جانب سے آنسو گیس کا بھی بے دریغ استعمال کیا گیا اور دھاتی گولیوں سے بھی مظاہرین کو نشانہ بنایا۔اسرائیلی فوج کی فائرنگ سے 25 برس کے فلسطینی احمد ابو عقل سر میں گولی لگنے سے اور 24 برس کے احمد رشاد شہید اور متعدد زخمی ہوگئے۔