انا ہزارے کا ایک بار پھر بدعنوانی مخالف مہم شروع کرنے کا اعلان، لوگوں سے شرکت کی اپیل

نئی حکومت کے اقتدار میں آنے کے بعد عوام کی امیدیں واسبتہ تھیں ،لیکن تین سال کا عرصہ گزر جانے کے بعد بھی مودی سرکار نے لوک پال ۔لوک آیکت قانون نافذ نہیں کیا ،نہ ہی بدعنوانی ختم کرنے کی کوشش کی گئی ہے۔ انہوں نے مزید کہا کہ بدقسمتی سے برسراقتدار این ڈی اے حکومت نے لوک پال قانون کی دفعہ 44میں تبدیلی کی ہے ،جس سے وہ مزید کمزور ہوچکا ہے اور ایسی صورتحال میں احتجاج شروع کرنا لازمی ہوچکا ہے۔
انا ہزارے نے کہا کہ لوک پال ،لوک آیکت قانون کے نفاد اور سوامی ناتھن کمیشن کی کسانوں کے مسائل پر رپورٹ کے نفاذ اور انتخابی اصلاحات کے لیے احتجاج شروع کئے جانے کا فیصلہ کیا گیا ہے ۔ انہوں نے یوٹیوب پر اپنا پیغام نشرکیا ہے۔