گوری لنکیش قتل معاملہ: مشتبہ افراد کے خاکے اور ویڈیوزجاری

انہوں نے کہا کہ تکنیکی ٹیم اور مقامی افراد سے ملی اطلاعات کے مطابق دو مشتبہ افراد کی نشاندہی کی گئی ہے جس کی بنیاد پر ہی ان کے خاکے بنائے گئے ہیں۔ انہوں نے کہا کہ جرم کو انجام دینے سے پہلے مشتبہ افراد نے تقریبا ایک ہفتہ تک بنگلورو میں قیام کیا تھا اور لنکیش کے گھرکے چکر بھی لگائے تھے۔ ہم چاہتے ہیں کہ اس علاقہ میں رہنے والے ان افراد کی نشاندہی کریں ۔انہوں نے کہاکہ اگرچہ کہ مشتبہ افراد دو ہیں لیکن ان کے تین خاکے معلومات کی بنیاد پر بنائے گئے ہیں۔ انہوں نے کہا کہ اس معاملہ کے سلسلہ میں 200-250 افراد سے پوچھ تاچھ کی گئی ہے۔