کینسر میں مبتلا پاکستانی لڑکی نے سشما سے مانگی مدد

پاکستان کے میڈیا میں شائع خبروں کے مطابق فائزہ غازی آباد کے اندرپرستھ ڈینٹل کالج میں علاج کرانے کے لئے دس لاکھ روپے کی پیشگی ادائیگی بھی کر چکی ہے ۔ لیکن ہندستانی سفارت خانہ نے اسے ویزا دینے سے انکار کر دیا ہے ۔ فائزہ کی ماں کا خیال ہے کہ ویزا کی درخواست شاید دونوں ممالک کے درمیان کشیدگی کی وجہ سے مستردکی گئی ہے ۔ ایسی صورت میں فائزہ نے سوشل میڈیا کا سہارا لیتے ہوئے محترمہ سوراج کو ٹویٹ کرکے ہندستان کا ویزا حاصل کرنے میں ان سے مدد چاہی ہے ۔ ایسے ہی ایک ٹویٹ میں اس نے لکھا ہے '' میڈم برائے مہربانی میری زندگی بچانے میں میری مدد کریں۔'' فائزہ نے ٹوئیٹر پر اپنی تصویر بھی پوسٹ کی ہے جس میں کینسر سے متاثر اس کے منہ کا حصہ دکھائی دے رہا ہے ۔