بجرنگ دل اور اے این ایف کے مابین دوستی بے نقاب؟

شرنگیری میں اینٹی نکسل فورس کے نوجوان کا کبیر پر گولی چلانا اس کے بعد اس کی میت لینے جارہے اس کے بھائی اور اہل خاندان پر بجرنگیوں کے ایک گروپ کا جان لیوا حملہ۔پھر اس کے بعد کومو سوہاردا ویدکے صدر پر بجرنگیوں کا گوبر حملہ ۔دوسرے ہی دن کرانتی سینا نامی ایک ہندو تنظیم کے لیڈر پرانا ونندا کا نکسل فورس کے نواجون کو ایک لاکھ روپئے انعام دئے جان کا اعلان۔یہ تمام تصاویر جو گنجھلک نہیں ہیں یہ ثابت کررہے ہیں کہ بجرنگ دل اور اینٹی نکسل فورس کے گٹھ جوڑ کی وجہ سے مسلم نوجوانوں کو جان بوجھ کر نشانہ بنایا جارہا ہے۔ اخبار لکھتا ہے کہ اس طرح کے الزامات پی یو سی ایل، کومو سوہاردا ویدکے تنظیموں کی جانب سے لگائے جاتے رہے ہیں اور مطالبہ کیا گیاتھا کہ کبیر شوٹ آؤٹ معاملہ سی بی آئی کے حوالے کیا جائے۔ فیس بک میں یہ تصاویر زیادہ تعداد میں ایک دوسرے کو بھیجا جارہا ہے ۔ جب کہ بعض لوگوں نے اس متنازعہ تصویرکو لے کر یہ بیان دیا ہے کہ چک منگلور کے دادا پہاڑ (بابابڈن گری)کی جانب جب بجرنگیوں نے قصد کیا تھا اس وقت یہ نکسل فورس کے ساتھ تصویر لی گئی تھی۔ جب کہ بجرنگیوں نے اس الزام کو مسترد کرتے ہوئے کہا ہے کہ تصویر جو دکھائی جارہی ہے اس کی پوری ویڈیو ان کے پاس موجود ہے اس تصویر میں موجود اینٹی نکسل فورس کے نوجوان نہیں بلکہ دوسرے کوئی اور ہیں۔