بلدیہ کی جنرل باڈی میٹنگ میں کئی اہم مسائل کو حل کرنے کی یقین دہانی

اس وجہ سے بجلی کھمبوں کی درستگی کیے جانے کو منظوری دیتے ہوئے جلد از جلد اس کام کی تکمیل کیے جانے کی بات کہی گئی ۔ اس کے علاوہ شہر کے کئی علاقوں میں راستوں کی خستہ حالی دیکھتے ہوئے فی الحال شاذلی مسجد کے سامنے والی سڑک او ر دیگر کئی علاقوں میں سڑک کے کام کیے جانے کو منظوری ملی ہے۔ اس کے ساتھ ساتھ قدیم قبرستان کی چہاردیوار کے قریب واقع نالی کی درستگی اور دیگر کاموں کو منظوری ملی ۔ شہر میں سب سے بڑا عوامی مسئلہ ڈرینیج پمپنگ کا ہے جس کے لیے ریاستی حکومت کی جانب سے دو سو کروڑ روپئے منظور ہوئے ہیں اور نئے ڈرینیج پمپنگ سسٹم کا کام شروع ہونے سے پہلے ہی جالی پٹن پنچایت کے عوام پہلے ہی کئی مرتبہ یادداشتیں پیش کرتے ہوئے سروے نمبر 202پر پمپنگ سسٹم نصب نہ کیے جانے کا مطالبہ کررہے ہیں۔ اس دوران میٹنگ میںیہ طئے کیا گیا کہ وینکٹاپور میں واقع ڈرینیج پمپنگ سسٹم کو ہی درست کرتے ہوئے اس کا توسیعی کام کیا جائے۔ اس دوران میٹنگ میں جناب فیاض ملا نے ٹیکس وصولی کے ذمہ دارن کی شکایا ت کرتے ہوئے الزام لگایا کہ عوام کے ساتھ جس طرح ان کا رویہ ہونا چاہیے وہ نہیں ہیں جس کی وجہ سے عوام کو شدید تکالیف کا سامنا کرنا پڑرہا ہے اور ٹیکس بھرنے کے لیے متعلقہ دفتر کے کئی چکر لگانے پڑتے ہیں۔ اس موقع پر اسٹینڈنگ کمیٹی کے چیرمین جناب عبدالرحیم نے بھی جناب فیاض ملا کی باتوں کی تائید کرتے ہوئے اس کے نظام میں درستگی لانے کی بات کہی گئی۔ اس موقع پر صدر بلدیہ جناب مٹا صادق ، نائب صدر اشفاق کے ایم ، چیف آفیسر سمیت وارڈس کے کونسلرس موجود تھے۔