آل انڈیا مسلم پرسنل لا بورڈ کا وضاحتی بیان

آل انڈیا مسلم پرسنل لا بورڈ نے الیکشن 2024کے لیے کسی خاص پارٹی کی تائید کا اعلان نہیں کیا ہے۔بورڈ کا وضاحتی بیان

نئی دہلی: ۱۸؍اپریل ۲۰۲۴ء (پریس ریلیز)مولانا ڈاکٹر محمد وقارالدین لطیفی آفس سکریٹری آل انڈیا مسلم پرسنل لا بورڈ نے وضاحت کرتے ہوئے کہا ہے کہ آل انڈیا مسلم پرسنل لا بورڈ پارلیمانی سیاست سے دور رہتا ہے، وہ نہ کسی متعین پارٹی کی تائید کرتا ہے اور نہ مخالفت، معلوم ہوا ہے کہ بعض سیاسی قائدین نے بیان دیا ہے کہ آل انڈیا مسلم پرسنل لا بورڈ بہار میں این ڈی اے کی تائید کررہا ہے جبکہ یہ بے بنیاد اور صریحاً غلط ہے۔ اسی طرح صدر بورڈ حضرت مولانا خالد سیف اللہ رحمانی صاحب نے بھی کسی سیاسی پارٹی کی تائید نہیں کی ہے، اس لیے لوگ غلط فہمی میں مبتلا نہ ہوں اور بورڈ کی طرف اس طرح کی باتیں منسوب نہ کریں۔