کوٹا: راجستھان کے وزیر اعلی اشوک گہلوت نے وزیر اعظم نریندر مودی اور بھارتیہ جنتا پارٹی (بی جے پی) پر انتخابات میں ذات پات اور مذہب کے نام پر لوگوں کو بھڑکانے کا الزام لگاتے ہوئے کہا کہ ان لوگوں کو انتخابات میں مسائل پر بات نہیں کرنی چاہیے۔ وہ صرف لوگوں کو بھڑکانے اور توجہ ہٹانے کی بات کرتے ہیں۔

اشوک گہلوت نے منگل کو کانگریس کی گارنٹی یاترا کے اگلے مرحلے کے آغاز کے موقع پر یہاں پہنچے پر میڈیا سے گفتگو کرتے ہوئے یہ بات کہی۔ اسمبلی انتخابات میں وزیراعظم مودی کے دورہ سے متعلق سوال پر انہوں نے کہا کہ وہ اس مسائل پر بات نہیں کرتے اور لوگوں کو بھڑکانے والی بات کرتے ہیں جب کہ کانگریس ریاست میں ترقی اور گڈ گورننس کی بنیاد پر الیکشن لڑ رہی ہے۔ انتخابات میں کانگریس کا ایشو ترقی کا مسئلہ ہے جب کہ یہ لوگ مذہب اور ذات پات کے نام پر ایشو مسلط کر رہے ہیں اور لوگوں کو مشتعل کر رہے ہیں جو اچھی روایت نہیں ہے۔

انہوں نے چیلنج کرتے ہوئے کہا کہ ان لوگوں کو ترقی کے معاملے پر بحث کرنی چاہیے لیکن یہ لوگوں کو مذہب اور ذات کے نام پر الجھانے کی کوشش کر رہے ہیں جو ملک کے مفاد میں نہیں ہے۔ واضح رہے کہ ریاست راجستھان میں اسمبلی انتخابات کے پیش نظر تمام سیاسی پارٹیاں انتہائی سرگرم ہوچکی ہے۔